Zenbat dakizu kalamuaren inguruan?

by | Sep 1, 2023

APURTU BURBUILA, kalamurik gabe gehiago zara.

Horrela dio Osasun Sailak egindako Kalamuaren kontsumoaren inguruko sentsibilizazio-kanpaina.

Kanabisa  Euskal Autonomia Erkidegoan gehien kontsumitzen den legez kanpoko substantzia da, batez ere 15 eta 24 urte bitarteko gazteen artean.
Kanabisaren kontsumoa oso normalizatuta dago mendebaldeko gizarteetan; baina behin eta berriz kontsumitzeak ondorio negatiboak eragiten ditu osasun fisikoan, psikikoan eta sozialean, batez ere nerabe eta gazteengan, horien burmuinetan substantzia psikoaktiboek eragiten dituzten ondorio negatiboak nabarmenak baitira.

BAINA ZENBAT DAKIZU KANNABISAREN INGURUAN?

Kalamua, zer da?

Kalamua Canabis sativa landarearen prestakin desberdinak izendatzeko gehien erabiltzen den termino generikoa da.

Landare honek 750 konposatu kimiko baino gehiago ditu, eta bere osagaien artean tetrahidrocannabinol (THC) osagai ezagunena eta psikoaktibitate handienekoa dago.

THC kantitatea hainbat faktoreren arabera alda daiteke (landarearen barietatea, biltzeko modua, laborea, kontsumitutako zatia, etab.), eta horrek, aldi berean, kanabisaren deribatu desberdinak eragiten ditu (adibidez, marihuana, haxixa edo haxix-olioa).

Zelan kontsumitzen da?

Kontsumitzeko modurik ohikoena erretzea da,baina substantzia hori hainbat modutan kontsumi daiteke (arnastuta, lurrunduta, ahoz edo irentsita, etab.).

Zeintzuk dira eraginak?

Kalamua nerbio-sistema zentralaren depresorea eta haluzinogenoa da.

Ondorioak izugarri aldatzen dira purutasunaren, izaeraren, kontsumitzen duenaren profilaren eta ingurunearen arabera.

Epe laburrera, eragin dezake:

  • Funtzio kognitiboan: efektu euforizatzaileak eta lasaigarriak; antsietatea; ideiazio paranoidea; geldotasun-sentsazioa ideietan; iritzi aldatua; arretaren
    narriadura; haluzinazioak; interferentzia norberaren funtzionamenduan; arriskuen hartzea eta inpultsibotasuna areagotzea.
  • Funtzio fisiologikoan: apetitua areagotzea; aho lehorra; konjuntibainjekzioa; takikardia.

Epe luzera, ohiko kontsumoaren ondorioz, hurrengoa eragin dezake:

  • Mendekotasuna.
  • Funtzio kognitiboaren narriadura
  • Ondorio psikosozialak: eskola uztea; langabezia; gazteen delinkuentzia; beste droga batzuen kontsumoa; osasun mentaleko arazoak.
  • Buru-nahasmenduak: psikosia; nahasmendu bipolarrak; eskizofrenia; depresioa; antsietatea; elikadura-nahasteak, jokabide-nahasmenduak eta nortasun-nahasmenduak; jokabide suizidak.
  • Arnas gaixotasunak
  • Gaixotasun kardiobaskularrak
  • Minbizia

 

ZEINTZUK DIRA KALAMUAREN MITO OHIKOENAK?

1.Mitoa: Substantzia naturala da, eta, beraz, substantzia hori kontsumitzeak arrisku txikia du osasunerako.

  • Errealitatea: Landare batetik datorren arren, osasunerako kaltegarria izan daiteke

2. Mitoa: Kanabisak ondorio terapeutikoak ditu, gaixotasunak senda ditzake.

  • Errealitatea: Kanabis medizinala ez da edonorentzat, eta haren kontsumoa kontrol mediko zorrotzaren pean egin behar da.

3. Mitoa: Kanabisa erretzea ez da tabakoa erretzea bezain kaltegarria.

  • Errealitatea: Kanabisa iragazkirik gabe kontsumitzen da. Barruan dituen substantzia toxikoak zuzenean biriketara iristen dira eta luzaroago egoten dira bertan. Erretzaile pasiboentzat ere kaltegarria da.

4. Mitoa: Kanabisak ez dio eragiten gazteen garunari.

  • Errealitatea: Gazteen artean kanabisa kontsumitzeak garunaren garapenari eragiten dio, eta aldaketa eta kalte itzulezinak eragin ditzake, adibidez gogo-aldartea, memoria, arreta eta ikasteko gaitasuna aldatzea.

5. Mitoa: Kanabisak pixka bat besterik ez du jartzen.

  • Errealitatea: Kanabisa etengabe kontsumitzeak gaixotasun mentalak garatzen laguntzen du, hala nola antsietatea, izu-erasoak, depresioa, psikosia eta eskizofrenia.

6. Mitoa: Kanabisa ez da adiktiboa eta kontrola daiteke.

  • Errealitatea: Etengabe kontsumitzeak mendekotasuna sor dezake, bereziki nerabezaroan kontsumitzen denean.

7. Mitoa: Kanabisak hobeto lo egiten laguntzen du eta antsietatea murrizten du.

  • Errealitatea: Kontsumitzeari uzten zaionean edo lehen baino kantitate txikiagoan egiten denean, antsietate-koadroak sortzen dira eta abstinentzia-sindromea ager daiteke.

8. Mitoa: Kanabisa erretzeak ez dio eragiten ibilgailuak gidatzeari.

  • Errealitatea: Kanabisa erretzeak koordinazio motorrari eragiten dio eta erreakzio-denbora handitzen du; beraz, istripu bat izateko probabilitatea handitzen du.

 


Iturriak:

World Health Organization. The health and social effects of nonmedical
cannabis use. WHO: Geneva, 2016

Osasun Saila. Eusko Jaurlaritza. Kanabisaren mitoak eta kondairak. Kerik gabeko gazteak [kontsultatua: 2023.7.3]

Drogei buruzko Plan Nazionala. Kanabisari buruzko mitoak eta errealitateak. Osasun Ministerioa [kontsultatua: 2023.7.3]

0 Comments

Submit a Comment

Your email address will not be published. Required fields are marked *

Calendario

Otsaila 2024
M T W T F S S
 1234
567891011
12131415161718
19202122232425
26272829